Is-Sit ta' Luke Collins

Translation: / 
Luke

Jien nagħti lezzjonijiet tal-privat fuq kull m'għandu x'jaqsam mal-matematika jew max-xjenza tal-informatika, f'Ħal Tarxien, għal studenti li jridu jagħmlu eżamijiet ta' livell intermedju, avvanzat jew universitarju.

Jekk trid xi informazzjoni dwar il-lezzjonijiet, ikkuntattjani:

📞+356 79 000 126
✉️(għal-lezzjonijiet)
✉️(għal affarijiet oħra)

Nippreferi ngħallem studenti individwalment flok gruppi (però jekk qegħdin grupp ta' ħbieb u tixtiequ tagħmlu lezzjonijiet flimkien nirranġaw).


Min Jien

Jien jisimni Luke Collins, u bħalissa qiegħed visiting lecturer tal-matematika fl-Università ta' Malta. Iggradwajt mill-istess università b'baċellerat tal-ogħla klassi fil-matematika u x-xjenza tal-informatika, u komplejt l-istudji tiegħi fl-Ingilterra, fejn għamilt Master's fil-matematika l-Università ta' Warwick u ggradwajt b'Distinction. L-iżjed oqsma tar-riċerka li jinteressawni fil-matematika huma t-teorija tal-grafi, il-kombinatorika, u t-teorija tan-numri. Riċentament, waqqaft mill-ġdid is-Soċjetà Maltija tal-Matematika, u mmexxiha flimkien ma' grupp dedikat ta' studenti tal-Università ta' Malta.

University of Malta
University of Warwick
Malta Mathematical Society

Lil hinn mill-akkademja, naħdem mas-Simply VC, kumpanija li tispeċjalizza fit-teknoloġija tal-blockchain, u apparti minn hekk, jiena wieħed mill-fundaturi tal-kumpanija teknoloġika LearnD. Fil-ħin liberu tiegħi, inħobb nisma' l-mużika klassika, indoqq il-pjanu, nagħmel hacking b'mod etiku, u nipprattika l-jiu-jitsu Brażiljan. Inħobb naqra fuq l-istorja, il-politka, it-teoloġija u l-filosofija.

Simply VC
LearnD
FSF

M'għandi ebda kontijiet ta' medja soċjali—jekk trid tkellimni, ċempilli jew ibgħatli fuq l-indirizz elettroniku li pprovdejt fuq dil-paġna. Jiena membru u nappoġġja l-Free Software Foundation, moviment li jadvoka għad-drit tal-utent ta' kompjuter li jħares lejn il-code tal-programmi li jeżegwixxi fuq il-magna tiegħu. Personalment nuża Arch Linux, u dejjem nuża programmi ħielsa fejn possibbli.


Riċerka

L-interessi tiegħi tar-riċerka jaqgħu primarjament fl-oqsma tal-kombinatorika, it-teorija tal-grafi u t-teorija tan-numri.

Publikazzjonijiet

Żewġ grafi li deheru fir-riċerka tiegħi
  1. Luke Collins & Irene Sciriha
    . The Walks and CDCs of Graphs with the Same Main Eigenspace. Discussiones Mathematiæ Graph Theory (fil-proċess tal-istampar), doi:10.7151/dmgt.2386.
  2. Luke Collins
    . The Ternary Goldbach Conjecture. Teżi tal-Master's fil-Matematika (2020), Università ta' Warwick, UK.
  3. Luke Collins
    . On Walks and Canonical Double Coverings of Graphs with the Same Main Eigenspace. Teżi tal-Baċċellerat fil-Matematika (2019), Università ta' Malta, Malta.
  4. Luke Collins
    . Synthesising Safety Runtime Enforcement Monitors for μHML. Teżi tal-Baċċellerat fix-Xjenza Informatika (2019), Università ta' Malta, Malta.
  5. Luke Collins & Irene Sciriha
    . Two-graphs and NSSDs: An Algebraic Approach. Discrete Applied Mathematics (2018), 266, pp. 92–102, doi:10.1016/j.dam.2018.05.003.

Passiġati u s-CDC

Riċentament, qed nagħmel xi ftit riċerka mhux ħażin relatata ma' passiġġati, u oġġett imsejjaħ il-canonical double cover (CDC) ta' graf. Tista' taqra iktar fuq dir-riċerka hawnhekk.


Tagħlim

Dokumenti li għadhom mingħajr ħolqa jew għandhom in-numru tal-verżjoni < 1.0 għadhom mhux finalizzati.

Noti u Eżerċizzji

Il-booklet tal-MATSEC

Mixxellanji


Proġetti Oħrajn

Programmi tal-Kompjuter

Ktibt bosta programmi tul is-snin, fosthom:
Logħba tas-Sriep
Logħba tal-Madumiet
Parser tal-SHML

Mixxellanji